daniela manzini kuschnig' s weblog

O presepio

Ve ricurdate? ' A grotta cu 'e pasture,
ll' angele appise cu ' o ffierro filato,
'a pacchiana cu ll'ova,
o cacciatore cu ' o cuniglio mmano,
a Stella 'e stagno ncopp'all'Uriente,
e tre Re Magge ricamate 'argiente?..
Ve ricurdate? 'E pagge, 'e sunature,
a lavannara ca spanneva ' e panne,
e ppecurelle finanza ' o sciummetiello,
o voie e l' aseniello,
chillo d' 'e rricuttelle, 'otavernaro,
e'o zampugnaro cu 'o ciaramellaro?
E nun ve vene a mente 'o Bammeniello?
Justo na fronna 'e rosa!
Sciso d' 'o Paraviso
cu nu pezzillo a riso,
e mmanelle pe' ll'aria! E San Giuseppe
ca ' o guardava ncantato,
sturduto e mpapucchiato,
mpapucchiato e sturduto,
quase vulesse di': -Chi t'ha chiammato?
Chi t'aspettava, a te?Da do' si' asciuto?
E ' a madunnella cu ' o manto celeste?
E chilli schiave cu ' e gguantiere mmano
chiene 'e munete d'oro?
E l'oro ncopp'a tutte chelli vveste?
E, affacciate' e ffeneste
d' 'e ccasarelle 'e sùvero, na folla
che guardava pe' ll'aria e se guardava
e cantava, e ledeva, e salutava,
e mustrava 'a tabella d' '0 Vangelo:
«Tu scendi dalle stelle, o Re del Cielo!».
lo m' , o rricordo comme fosse ajere,
ca ognuno' e nuie purtava nu pastore:
o Chiammatore, l' Appresentatore,
o Curiuso cu ' o Maravigliuso,
o scartella, chillo d' 'e llimone,
Razzullo e Sarchiapone…
Chisto 'o mettimmo cca'.. Chisto, cchiù nnanza.
E stu Zi' Bacco cu tanta na panza
ca pare ca sta a sentere na voce?
Chisto 'o mettimmo arrete
a chilli dui che cantano p' 'a strata:
Io,quanto m'abbuscai a spaccà prete,
tutto me lo frusciai cu na cecata!

Ferdinando Russo